موصفات المواطن السوري

من طرف **مجاهد البانياسي** 07/09/09, 11:43 am

السوري :

* بيفهم في الطب ويشخص المرض ويوصفلك الدوا وبيفهم في النقاش والكهربا وتصليح السيارات والطبخ والسياسة والطابة

* بيحط الريموت كونترول في كيس نايلون حتى ما يتغبر

* يقف يتكلم على الباب نص ساعة بعد انتهاء الزيارة والسلام

* في خزانة المطبخ عنده عشرين قطرميز مربى فاضي منشا! ن اذا احتاج يستخدمها ومازال مُصِر على جمع المزيد

* ييجي بعد الموعد بساعتين دون ان يعتذر

* يتكلم بصوت عالي في المكالمة الدولية منشان التاني يسمعه

* بيعتبر حاله أفضل واحد في الشراء والمفاصلة ثم يكتشف إن الشي في المحل اللي جنبه أرخص من غير مفاصلة

* من هواة متابعة الأفلام الأجنبية بس ما بيعرف اسم ولا واحد من أبطال الفيلم

* بيحتفظ بأكياس محلات اللبس والأحذية وورق الهدايا تحت الفرشة لسنوات

* عنده صينية مكسرات مقسمة لتلات أو أربع أقسام منشان المزاج لكن لا يستخدمها

* بيشتري قبل الإفطار في رمضان مواد استهلاكية متوفرة عنده في البيت

* وهو عم يتغدا بيفكر شو بدو يطبخ بكرا أو بعد بكرا وكاسة الشاي فرض بعد كل وجبة

* بيشتري الخضرة من سوق الخضر لأنها أرخص من بضاعة الخضري اللي جنب بيته بليرتين

* عنده منقل شوي للرحلات يستخدمه مرة واحدة في العيد

* بيشتري قد مابدك مدلوقة ووربات وكنافة وقطايف وهريسة وعش البلبل وبرازق وغريبة بس ما تقله يشتري كتاب

* بيشيل طابع البريد من على الظرف لو الختم ما كان عليه

* بيحتفظ بجميع الجرايد لمسح البلور أو مدها عالطاولة وقت الأكل

* بيفكر إن أي حدا بيشتغل في الخليج بيغرف مصاري من غير حساب وأغنى واحد في الدنيا بيكون مشغول بقيمة البخشيش طول العشا.. ياترى 5 ليرات ولا 10؟

* بيتخانق ساعة دفع الحساب بحرارة شديدة على إنه هو اللي لازم يدفع

* وما بينسى ياخد معه علبة المحارم وقنينة الماء قبل مغادرة المطعم

* بيفرش شرشف التخت على طقم الكنب منشان الكنب ما يتوسخ، ولما يجوا الضيوف يترك الشرشف وما بقيمه

* من الضروري يختم مشوار التسوق تبعه بكاسة بوظة من عند بكداش بالحميديةأو كاسة كوكتيل بالصالحية أو كيس ترمس بشارع الحمرا

* اذا ركب تكسي طول الطريق بيطلع عالعداد

* وبالميكرو دائما مطالع راسه من الشباك
* وما بينسى يقول للشفير عاليمين يا معلم قبل عشر دقايق نظرا لدقة الشفير في الالتزام بالمكان والزمان

* بيركض خلف المواصلات ليل نهار وأحيانا بيضطر يدفع روحة رجعة مشان يحجز مكان

* وين ما رحت وترحل الابتسامة لا تغادر وجهه بالسراء والضراء ولكن لماذا يا ترى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

* دائما يعيش ضمن الحلم ولا يقبل بان يخرج مما يحلم

* ينظر إلى جمييييييع أفراد العالم ــ عدا أبناء بلده ــ بعين الاحترام

* انه اكثر واحد عنده كرامه في العرب

--------- شو رأيكن صح ولا غلط ؟؟؟ -----------

من طرف **ابو زيد** 08/09/09, 06:12 am

صح صح صح بس انا بتذكر كتبت هالمشاركة بالمنتدى الاول ولكن اسامح من لطش مواضيعي لاني لطشت كتير مواضيع

من طرف **maya** 08/09/09, 09:22 am

ما بعرف اذا صح عندكم بس أكيد صح عنا بلبان والي كاتب المووضع جامع لبنان وسوريا لان الصالحية عندكم وشارع الحمرا عنا ههههه
شكرا لكم

من طرف بسمة أمل 09/09/09, 11:40 am

يقول الله تعالى : " ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من

نساءٍ عسى أن يكن خيراً منهن ولاتلمزوا أنفسكم ولاتنابزوا بالألقاب بئس الإسم الفسوق بعد الإيمان ومن لم يتب فأولئك هم الظالمون "

منتدى جرجناز الثورة

موصفات المواطن السوري

موصفات المواطن السوري

صحيح

رد: موصفات المواطن السوري

رد: موصفات المواطن السوري